osmanlı'da titanik'in heybetinin tarif edilişi

efrenci nisan’ın on dördüncü pazar günü akşamı sanayii cedidenin bir harikası olan (titanic) gark ve na-bedid olmuş ve yolcu ve mürettebatından cüz’i mikdarı kurtulup vapurun kıymetdar eşyadan mürekkep olan hamulesi ile posta çantaları ve yolcuların kıymetdar eşyası dahi mahv olmuştur. kürre-i arzın en büyük bir sefinesi ile bir cemudeye arasında vuku bulan müsademeden, şimdiye kadar tarihte emsaline tesadüf edilmeyen bir felaket-i azime-i bahriye vuku bulmuştur. şimdiye kadar, insan ve malca bu kadar azim zayiatı bais olan bir kazay-ı bahri görülmemiş idi. her cihetçe mükemmel olan (titanic) in feci bir surette garkı münasebetiyle birçok seyr ü sefain ve inşaat-ı bahriye şirketleri ve mühendisler sefinelerin cesameti büyütülmesi ile kaza-yı bahriyelerin dehşet be şiddeti tahfif mi yoksa tezyid mi olduğu meselesiyle uzun zaman iştigal edeceklerdir. arz-ı cedid sahilinde vuku bulan bu kaza-yı müthişe beyne’l-milel haiz-i ehemmiyet bir vakıadır. avrupa ve amerika’da binlerce aile mateme girmiş ve pek çok kimse mutazarrır olmuştur.